5G teknologiari esker, aukera gehiago sortzen dira enpresak eraldatzeko eta negozio, soluzio eta zerbitzu berriak sortzeko, eta eragin bereziki nabarmena du horrek enpresa-munduan eta hari lotutako sektoreetan. 5G teknologiak aukera ematen du 1 GB/s-rainoko abiadura baliatzeko gailu mugikorretan eta milisegundo gutxi batzuetara murrizteko sarearen erantzun-denbora; horrek esan nahi du ia denbora errealean transmiti daitezkeela datuak askotariko soluzioetarako: ibilgailu autonomoak, gizakiaren eta makinen arteko lanak, fabrikazio-instalazioak, telemedikuntza...

Gainera, gure 5G sareari esker, ehunka edo milaka gailu eta sentsore modu seguruan konekta ditzakegu Internetera estaldura-antena berean. Horren bidez, enpresa batek edozein elementu konektagarritatik (IoT) hartu eta bidal dezake informazioa prozesuak automatizatzeko.

Roaminga funtsezko zerbitzua da nazioartean diharduten enpresa handientzat. Aukera ematen die langileei munduko edozein lekutan konektatuta egoteko SIM txartela aldatu beharrik gabe edo telefonia mugikorreko beste plan batzuk kontratatu beharrik gabe.

Euskaltel Enpresak atalean, roaming-estaldura zabala eskaintzen dugu, tarifa lehiakorrekin eta kalitate handiko zerbitzuarekin. Gure helburua enpresa handien komunikazioa erraztea da, eta, horretarako, une oro konektatuak daudela jakiteak ematen duen lasaitasuna eskaintzea, beren operazioak edonon daudela ere.