Erregistratzean sartutako erabiltzaile-identifikatzaile eta pasahitzarekin, gailu ugariko TBra sar zaitezke, aplikazioaren erabilera-baldintzak betez.

Erabiltzaile-izena eta pasahitza pertsonalak eta besterenezinak dira, eta erabiltzailearen erantzukizuna da haien konfidentzialtasuna bermatzea.

Erabiltzailea izango da bere erabiltzaile-identifikatzailearekin egiten dituen ekintza guztien arduradun.

Erabiltzailearen ardura da bere sarbide-pasahitza hirugarren bati ez ematea. Euskaltel SAk jakinarazten dizu INOIZ ez dizula eskatuko aplikaziora sartzeko pasahitza, inolako komunikazio-bidetatik (telefonoa, posta elektronikoa, ohiko posta, SMS, MMS...); beraz, komunikazioren bat jasotzen baduzu informazio hori eskatzeko, ez egin kasurik, eta jakinarazi Euskaltel SAri, 1717aren bidez edo ABUSE formularioaren bidez.

Euskaltelek jakinarazten dizu zure helbide elektronikoa zure datu pertsonalei gehituko zaiela Euskaltelen titulartasuneko fitxategi batean. Halaber, Euskaltelek jakinarazten dizu datu hori Euskaltelekin duzun kontratu-harremanaren ondoriozko ekintzetarako erabiliko dela; zehazki, posta elektroniko bidez jakinarazpen komertzialak bidaltzeko.

Bestalde, datu pertsonalak babesteari buruzko 1999ko abenduaren 13ko 15/1999 Lege Organikoan ezarritakoaren eta horretarako aplika daitezkeen araudien arabera, noiznahi erabil dezakezu datu pertsonalak eskuratzeko, zuzentzeko, ezerezteko eta aurka egiteko eskubidea eskubidea. Horretarako, idatzi bat bidali behar diozu, postaz, EUSKALTELi, egindako eskaera adieraziz eta NANaren fotokopiarekin, helbide honetara: 3 FD posta-kutxa, 48160 Derio (Bizkaia). Bestela, Bezeroentzako Arreta Zerbitzura deitu dezakezu (1717, edo haren ordez dagokiona), edo mezu elektroniko bat bidali info@euskaltel.com helbidera.

GAILU UGARITARAKO ZERBITZUAREN BIDEZ TELEBISTA-EDUKIAK IKUSTEARI APLIKATZEKO BALDINTZAK.

Euskaltelen telebista digitala eta 10 MB-ko edo gehiagoko zuntz bidezko Banda Zabalaren Interneteko sarbide-zerbitzua dituzten bezeroek eskuratu dezakete produktu hau. Halaber, faktura formatu elektronikoan jaso beharko dute.

A.- ZERBITZUAREN DESKRIBAPENA

Gailu ugaritarako zerbitzuak aukera ematen du streaming bidez sartzeko, Euskaltelen webgunean xehatzen diren gailuen bidez, bezeroak kontratatuta daukan kanal-paketeko eta EUSKALTELEK une bakoitzean eskaintzen duen telebista-zerbitzuko kanal-sortako edukietara. Emisioa edo zerbitzua ezin izango da lokal publikoetan eskaini, eta auzo-komunitate guztiarentzat ere ezin izango da jarri. Oro har, baimendutako erabilerak baino ezin izango dira gauzatu.

BEZEROAK 5 gailu lot ditzake gehienez ere bere kontura (une bakoitzean eskura dauden gailu-modalitateen artean aukeratuta), eta erabiltzaile-kontu bakar bat izan dezake. EUSKALTELEN webgunean eguneratuko dira eskura dauden gailuak.

Zerbitzua erabiltzeko, EUSKALTELEK eskatuko dizkion erabiltzaile-izena eta pasahitza sartu behar ditu BEZEROAK.

Eskura dagoen gailu bat erregistratzeko, gailu horretatik sartu behar du BEZEROAK zerbitzuan. Gailuak EUSKALTELen webgunetik soilik alda ditzake BEZEROAK.

Erregistratutako bi gailu soilik erabil ditzake batera BEZEROAK.

B.- ZERBITZUAREN KALITATEA ETA MUGAK

Zerbitzura sartzeko, Interneteko konexioa behar da, eta hori ez dago zerbitzuan sartuta; beraz, Interneteko konexioaren kostua BEZEROAK ordaindu behar du oso-osorik.

Bezeroak kontuan izan behar du zerbitzuan sare mugikorraren bidez sartuz gero oso handia dela datu-kontsumoa; beraz, zerbitzuan sartzeko, Interneteko sare finko bat erabiltzea gomendatzen dugu.

EUSKALTELEK ez du bere gain hartzen ardurarik edukiak gaizki ikusten badira Interneteko konexioaren kalitate eskasagatik edo konexioa beste erabiltzaile batzuekin batera erabiltzeagatik.

Zerbitzua estatu barruan egindako konexioetarako eskaintzen da soilik.

Helduentzako edukia ez da eskuragarri egongo gailu ugaritarako zerbitzuan.

Gailuak espezifikazio jakin batzuk bete behar ditu sistema eragileari eta nabigatzaileari dagokienez; EUSKALTELEN web-orrian kontsultatu behar dira espezifikaziook.